勁爆印尼菜Resep Ayam Woku

一日，姐姐問我試 唔試吓呢個？睇印尼文完全唔知係乜。只知一定超級爆辣。

天氣悶熱，食下辣都唔錯吖。

材料自己睇相，辣椒份量多到嚇死你。

味道？當然如預期，食咗幾件雞已經滿頭大汗。

大家想試吓嗎？

材料： 冰鮮雞一隻（約600G）切塊 羅勒葉1大札 苦瓜  肉豆 香料： 檸檬葉 5 片（切碎) 月桂葉 5 片 蒜 4瓣 番茄 辣椒 蔥頭 石粟 紫洋蔥 薑3片 調味： 鹽 2茶匙 糖 1/2 茶匙 做法： 將所有香料用攪拌機攪碎 下油熱鍋，將香料炒至有香味 加入雞肉，拌勻 倒入剛剛浸過材料份量的水攪拌，煮滾 加蓋轉小火煮至雞肉全熟 轉大火煮滾，加入調味及羅勒熄火即可食用。